Datos del libro
Opciones
UN MONTE TODOS OS MONTES
AZUL MAIS VERDE COOP.;AUTORÍA COLECTIVA
- Editorial AZUL MAIS VERDE COOP.
- Materia ENSAIO MEDIO AMBIENTE
- Colección VARIOS
- EAN 9788409831883
- Estado Disponible
- Encuadernación Tapa blanda
- Páginas 252
- Tamaño 210x145x20 mm.
- Peso 430 gr.
- Fecha de lanzamiento: 31/03/2026
- Idioma: Galego
Sinopsis
Un monte todos os montes concíbese como unha “publica-acción” para o pensamento e a acción colectiva. Impulsada por Azul mais Verde Coop. co apoio e financiamento da Fundación Daniel y Nina Carasso, reúne voces, prácticas e saberes situados que dialogan arredor do monte como espazo cultural, político e comunitario en Galicia.
A través dunha escrita plural -que incorpora diferentes formas da lingua galega en diálogo co portugués- e dun ensaio visual, o libro articula un dispositivo colectivo que pon en relación experiencias, memorias e metodoloxías vinculadas ao monte en distintos territorios. O propio libro, na súa forma e materialidade, desde a edición e o deseño, ensaia unha práctica de biodiversidade, incorporando unha composición aberta de escalas, ritmos e disposicións que o lector percorre como experiencia.
Constrúese desde o encontro entre investigación e prácticas situadas —entre a investigación-acción, a creación artística, a mediación cultural e o traballo comunitario— en relación co territorio e en diálogo con estratexias de gobernanza do monte. Conta coas contribucións de Adriele Andrade Précoma, Natalia Balseiro, Lara Barros Alfaro, María Bella, Martiño Cabana Otero, Joám Evans Pim, Antonio Nodar, Susana González, Óscar Rivas López, Fran Rodríguez Casal e Outonía S. Coop. Galega.
Máis alá da reflexión, esta publicación busca dispoñer para o facer: activar imaxinarios, abrir procesos e contribuír á construción de futuros sostibles desde a especificidade de cada monte —un monte, todos os montes—, desde a cultura, as comunidades e a ecoloxía.
REFERENCIA AUTORÍA
Publicación colectiva impulsada e coordinada por Azul mais Verde Coop., construída a partir da contribución de múltiples voces que operan entre a investigación e as prácticas situadas -incluíndo creación artística, mediación cultural e traballo comunitario- en relación co territorio.
