Datos do libro
Opcións
MONSTR3S
LAURA PARRULA
- Editora PATAS DE PEIXE
- Materia BANDA DESEÑADAINFANTIL
- Colección VARIOS
- EAN 9788494634154
- Estado Disponible
- Encadernación Tapa dura
- Páxinas 40
- Tamaño 297x210x460 mm.
- Peso 200 gr.
- Data de lanzamento: 24/05/2023
- Idioma: Galego
Sinopse
Chega a hora de durmir e o pequeno pide deixar a luz acesa porque ten medo do mostro de debaixo da cama. Coma nun teatriño, a lectora vai descubrindo que nese cuarto habitan tres criaturas diferentes, e goza de saber que ningunha sabe da existencia das outras. De forma divertida e emocionate, este conto, a modo de kamishibai, móstranos como as criaturas se atopan, se asustan e se reconcilian, mentres o escenario vai cambiando e se vai ordenando e desordeando en función do estado anímico dos personaxes. Ten un final con moitas posibilidades que fará gozar a lectoras e mediadoras da lectura, que non podemos desvelar nesta sinopse porque tedes que ler este libro.
Monstr3s é un libro cun formato innovador, que semella unha peza de teatro ou unha pelicula antiga, cunha presentación minimalista pero ao tempo, cheo de chiscadelas para o ollo que quere observar.
Estamos moi orgullosas deste traballo no que Óscar Villán, o ilustrador, soubo reflectir unha narrativa complexa, pois son tres universos diferentes no mesmo escenario, ilustrados de forma elegante e extremadamente creativa.
A engranaxe entre texto e imaxe, entre o que pasa e o que se di, é moi delicada neste álbume, que pretende beber da natureza propio do libro do libro álbume e xerar unha narrativa nova que xorde da mestura das linguaxes verbal, icónica e paratextual.
