Datos do libro
Opcións
DEZ COELLIÑOS
MAURICE SENDAK
- Editora KALANDRAKA
- Materia ILUSTRACION
- Colección TRAS OS MONTES
- EAN 9788413433622
- Estado Disponible
- Encadernación Cartoné
- Páxinas 32
- Tamaño 225x170x10 mm.
- Peso 270 gr.
- Data de lanzamento: 04/04/2025
- Idioma: Galego
Sinopse
Un álbum inédito no noso país para aprender a contar coa maxia e co humor do extraordinario Maurice Sendak.
Mino, o mago, axita a variña e zas!, saca un coello da chistera. Logo dous, tres, catro..., así ata dez. Que difícil controlar tantos orelludos que choutan e se agochan por calquera lugar! Ata que Mino axita de novo a súa variña e... alehop!, un a un, os coellos van desaparecendo por arte de encantamento.
Continúa o legado de Maurice Sendak con este divertido e disparatado álbum que se publica 12 anos despois do seu falecemento. O seu protagonista é outro neno álter ego de Sendak, como Max (“Onde viven os monstros”), Miguel (“Na cociña de noite”, “Miguel. Conto exemplar”) ou Xoán (“O un era Xoán”), que nos ensina a contar cara adiante e cara atrás con humor e orixinalidade a través de dez coellos rebeldes que aparecen e desaparecen por arte de maxia.
As múltiples expresións de Mino e a habilidade de Sendak para capturar todo tipo de emocións engaiolan os lectores e as lectoras, atraídos non só pola crecente marea de coelliños peludos, senón pola satisfacción do protagonista ao velos aparecer e desaparecer enfrontando non poucos obstáculos e frustracións.
Un tesouro recentemente descuberto dun querido mago dos libros infantís.
